AMFA-nın işgüzar səhər yeməyində maliyyə sektorunun 31 nümayəndəsi iştirak edib
30 sentyabr 2026-cı il tarixində Azərbaycan Mikromaliyyə Assosiasiyasının (AMFA) təşkilatçılığı və City Group (banks.az) tərəfdaşlığı ilə “Maliyyə bazarında yeni imkanlar: rəqəmsal satış, müştəri cəlbi və bazar təcrübəsi” mövzusunda işgüzar səhər yeməyi keçirilib.
AMFA-nın “Mikromaliyyəni tanıyaq” təşəbbüsü çərçivəsində təşkil olunan görüşdə maliyyə sektorunun 31 nümayəndəsi iştirak edib.
Tədbirdə rəqəmsal satış kanallarının inkişafı, müştərilərin cəlb edilməsi, müştəri davranışındakı dəyişikliklər və maliyyə təşkilatları arasında yeni əməkdaşlıq imkanları müzakirə olunub.
banks.az olaraq hesab edirik ki, rəqəmsal satışın effektivliyi yalnız müraciətlərin sayı ilə deyil, onların keyfiyyəti və müştərinin real ehtiyaclarına uyğunluğu ilə ölçülməlidir.
2008-ci ildən fəaliyyət göstərən banks.az maliyyə məhsullarının müqayisəsi və istifadəçilərin məlumatlı seçim etməsi üçün rəqəmsal imkanlar yaradır. Platformanın inkişaf etdirdiyi “Maliyyə köməkçisi” həlli istifadəçilərin ehtiyaclarına uyğun maliyyə təkliflərini müəyyənləşdirməyə və müqayisə etməyə kömək edir.
Məqsədimiz maliyyə təşkilatları ilə əməkdaşlığı genişləndirmək, rəqəmsal müştəri cəlbi proseslərini təkmilləşdirmək və maliyyə bazarında daha effektiv satış kanallarının formalaşmasına töhfə verməkdir.
Tədbir sektor nümayəndələri ilə birbaşa ünsiyyət qurmaq, bazarın mövcud ehtiyaclarını daha yaxından öyrənmək və gələcək əməkdaşlıq perspektivlərini müzakirə etmək baxımından faydalı olub.
banks.az komandası adından tədbirin təşkilinə görə Azərbaycan Mikromaliyyə Assosiasiyasına və iştirak edən bütün maliyyə təşkilatlarının nümayəndələrinə təşəkkür edirik.
