Əhali kreditləri ən çox hansı maliyyə qurumlarından götürür?

Mərkəzi Bankın təqdim etdiyi məlumata görə, 2022-ci il avqust ayının 1-nə ölkənin bank və digər kredit təşkilatlarının kredit portfeli milli valyuta ekvivalentində 18 milyard 985,6 milyon manat təşkil edib.

Dövlət Statistika Komitəsindən banks.az-a bildirilib ki, bank və digər kredit təşkilatlarının kredit portfeli milli valyuta ekvivalentində sözügedən dövrdə əvvəlki ilin eyni dövrü ilə müqayisədə 23,5 faiz artıb.

Ümumi kredit portfelinin 15 milyard 155,8 milyon manatı və ya 79,8 faizi uzunmüddətli kreditlərin payına düşüb.

Kreditlərin 97,4 faizi banklar, 2,6 faizi isə bank olmayan kredit təşkilatları və kredit ittifaqları tərəfindən verilib.

Ödəmə vaxtı keçmiş kreditlərin məbləği il ərzində 29,4 faiz azalaraq 662,3 milyon manat olub və ümumi kredit portfelinin 3,5 faizini təşkil edib.