Azərbaycanın bank sektorunun əsas göstəriciləri

Azərbaycan Mərkəzi Bank 30 noyabr 2022-ci il tarixinə bank sektorunun əsas göstəricilərini açıqlayıb.

banks.az Mərkəzi Bankın məlumatına istinadən xəbər verir ki, fəaliyyətdə olan bankların cəmi aktivləri 45 milyard 490.2 milyon manat, cəmi öhdəlikləri 39 milyard 970.3 milyon manat, balans kapitalı 5 milyard 519.9 milyon manat olub.

2022-ci ilin noyabr ayında bankların cəmi aktivləri və öhdəlikləri müvafiq olaraq 1.9% artıb.

İlin əvvəlindən isə bank sektorunun cəmi aktivləri, cəmi öhdəlikləri və balans kapitalı üzrə artım müvafiq olaraq 18.3%, 19.3% və 11.1% olub.

Bankların kredit portfeli noyabr ayında 1% (203.4 milyon manat) artaraq 19 milyard 674.2 milyon manat olub.

Bankların cəmi kredit portfelində biznes kreditlərinin payı 55.8% (10 milyard 975.8 milyon manat) təşkil edib.

Ümumilikdə, cari ilin 11 ayında bankların kredit portfeli 18.1% və ya 3 milyard 15.1 milyon manat artıb.